رواية زين وزينه كامله

بس دا مش ذنبي والله 
زعقمش ذنبك ! أنت ضحكتي عليا وخدعتيني .. إزاي متعرفنيش حاجه زي دي !
عيطتوالله كنت ناوية أعرفك بس 
إمته ها كنتي ناوية تعرفيني إمته إحنا خلاص إتجوزنا يا هانم !
والله حاولت كتير أعرفك بالرغم من إن أهلي منعوني من دا بس أنا مكنتش عايزه أخدعك كنت عايزه أديلك الحرية علشان تختار إذا كنت هتكمل معايا ولا لا بعد إلي هتعرفه بس والله مجتش فرصة أعرفك حاجه وكل حاجه حصلت بسرعه 

أنت كذابة يا زينة ومخادعة كبيره 
عياطي زادوالله كنت ناوية أعرفك أنا حتي لما طلبت منك نتقابل ف كافيه قبل كتب الكتاب بأسبوع كان علشان أعرفك الحقيقه دي بس أنت مدتنيش فرصة أتكلم وبعدها جالك تليفون إن مامتك تعبت ومشيت ومتقابلناش تاني بسبب ظروفك غير يوم كتب الكتاب حاولت وقتها أتكلم معاك بس معرفتش صدقني يا مراد والله كل إلي حصل مكنش ليا ذنب فيه أنا كنت ضحېة ووالله كنت هعرفك !
محستش غير بالقلم إلي نزل ع وشي فجأه ! .. عياطي وقف ونحيبي وقف وصوتي إتكتم وكنت ببصله وبس ! أنا عمر ما حد مد إيده عليا حتي بابا ودلوقتي أنا إتضربت ومن مين من مراد جوزي والشخص إلي قررت يكون شريك حياتي ويشاركني كل لحظاتي الوحشه قبل الحلوه ! الشخص إلي قلبي إرتاحله وإديته الأمان والثقه إلي طول عمري مخبياهم للشخص إلي هيكون أحن عليا من قلبي علشان هو الوحيد إلي يستحقهم بجد !
أنت إنسانه كذابة ومقرفه بجد أنا حتي مش طايق أبص ف وشك ولا طايق الأرض إلي مشاركك وقوفك عليها ! أنا قرفان منك ومش عارف إزاي إتجوزتك بجد لعبتيها صح يا زينة .. لإنك أكيد كنتي عارفه إني لو عرفت حاجه زي دي قبل جوازنا مكنتش إتجوزتك فدبستيني بس مش مراد إلي يتعمل معاه كده ! أنا ممكن ببساطه أطلقك وهتبقي العروسه إلي إتطلقت يوم فرحها بس لا .. أنا هخليك معايا وهدفعك تمن إلي عملتيه دا غالي وأوي يا زينة .. أوي 
حاولت أجمع صوتيمراد أنا ..
قلم تاني نزل ع وشيإخرسي إياك تنطقي إسمي ع لسانك لسه ليك عين تتكلمي !
وبعدها توالت الصڤعات ع وشي وبعد ما كانت أقلام بس .. مارس قوته كراجل عليا بكل أنواع الضړب من غير ما يعمل حساب حتي إنه بيضرب بنت ! وآخر حاجه حسيت بيها كانت رزعته لراسي ف الأرض وبعدها غبت عن الدنيا .... لما فوقت لقيتتي لسه مكاني وحرفيا حاسه إن كل عظمي متكسر إفتكرت كل كلمة قالها خدشت قلبي .. إفتكرت طريقة ضربه ليا وعيطت ! بس سبب العياط والۏجع الأكبر إني مخترتش صح ... وإن الشخص الوحيد إلي إختارته وفكرته الشخص الصح طلع هو أكتر شخص غلط في حياتي ! دموعي كانت بتنزل تشعط وشي من الۏجع إلي فيه وعلشان ألم أخف من ألم كان لازم أحاول أكتم دموعي ومخليهاش تنزل ! سمعت صوت حركة ف الصاله فإتحملت ع نفسي وقومت أشوف في إيه بره ولما خرجت لقيتع قاعد بكل برود ع الكنبة وجنبه مسليات ! مقدرتش أوصف مشاعري تجاهه ف اللحظه دي بس كل إلي كنت عارفاه إنه مش إنسان سوي !
كويس إنك صحيتي .. أنا جعان 
بصتله بألمأنا تعبانه 
بصلي ببرود ورجع بص للتليفزيون تانيمش مشكلتي مش كفاية إني فضلت مستنيك لما تصحي ومدخلتش صحيتك بنفسي !
إتنهدت تنهيدة ۏجععايز تفطر إيه
بصلي بسخريةإلي بتعرفي تعمليه دا لو بتعرفي تعملي حاجه !
بلعت الإهانة منه وأنا بقنع نفسي إن معاملته دي من حقه .. ممكن تكون نابعه من غضبه وتفكيره بإني خدعته ممكن لما يهدي يرجع مراد الطيب والحنين زي ما كنت مفكراه .. يمكن ! دخلت خدت دش يسكن جسمي ودهنته مرهم وخرجت للمطبخ وبدأت أعمل فطار حطتهوله ع السفره ودخلت رميت نفسي ع السرير علشان ۏجع جسمي كان زاد من المجهود وفي لحظه روحت في غيبوبة نوم طويله
زعقأنت يا هانم 
إتفزعتإيه في إيه
في إنك مقضية كل يومك نوم ومش شايفه شغلك كويس .. فين الغدا
هعمله حالا 
زعقوأنا لسه هستناك تعمليه !
إتكلمت بضعفوالله نمت من التعب .. جسمي بيوجعني أوي 
قولتلك تعبك دا مش مشكلتي .. أنا معتش هقول تاني إعملي وإعملي بس صدقيني المره الجاية لو لقيتك مقصره ف حاجه هعرف أعاقبك كويس وأعلمك الأدب !
عيطتمراد علشان خاطري إسمعني وبلاش تظلمني أنت مش كده !
لا يا زينة أنا كده .. كنت طول فتره خطوبتنا بحاول أخمد الۏحش إلي جوايا علشان أتعامل معاكي بما يرضي الله بس لا أنت خليتي الۏحش دا يطلع من تاني ويبقي أبشع من الأول قومي يلا حضري الغدا مش هستني كتير وإخفي وشك دا بأي ميكب علشان لو حد جالنا 
حاضر 
وقفت ف المطبخ وبدأت أعمل الغدا .. شويه أقدر أقف وأشتغل وشوية جسمي يتقل عليا فأقعد أرتاح وفجأه راسي تقلت فقعدت ع كرسي ف المطبخ وسندت راسي ع الترابيزه قدامي وفقت من غفلتي ع إيد بتشد شعري بقوة لدرجة حسيت إن معظم شعري طلع ف الشدة دي !
زعقهو أنا قولتلك إيه
مسكت إيده إلي ع شعري وأنا بعيط بس المره دي من الخۏف أكتر من الۏجعإنك عايز غدا 
وكلامي مبيتسمعش ليه
عيطتوالله بعمله بس حسيت إني ..
هشششش مش هسمع قصة حياتك .. واضح إني إتساهلت معاك كتير وبما إنها غلطتي فأنا هصلحها 
بخوفمراد هتعمل إيه !
مردش بس فجأه لقيت نفسي بترمي ع الارض ف الأوضة والباب بيتقفل عليا من بره وسمعت صوت زعيقه
عقابك إنك هتتحبسي في الأوضة دي من غير أكل وشرب لا شرب ومن غير حتي غطا يدفيك ونور الأوضة دي هيتفصل علشان تعرفي إن الله حق 
وفعلا فصل الكهربا عن الأوضة إلي كنت فيها والمشكلة إنها أوضة مقفوله مفيهاش بلكونه ولا شباك عبارة عن حيطان بس الأرضية مكنتش مفروشه فكانت الأوضة عبارة عن كتلة تلج ! إتكورت ع نفسي وضميت جسمي يمكن أقدر أدفيه وسندت جسمي ع الأرضية ودموعي كانت هي المواسي الوحيد ليا ف الوقت دا ! بعد شوية سمعت باب الشقة بيخبط وبعدها سمعت صوت بابا قومت من مكاني بسرعه وكإن ۏجع جسمي إختفي فجأه لما تخيلت إن ممكن يكون بابا سبب إنقاذي ! بس كل أمالي إتحطمت لما سمعت مراد وهو بيقوله إني نايمة وبابا بعدها مشي علطول وأنا حتي ملحقتش أكلمه ! .. ملحقتش أقوله إني ف خطړ ومحتاجاه يساعدني ! ورجعت لنفس النومة تاني ولنفس المواساة .. الدموع ! يومين وأنا في الأوضة دي من غير أكل ولا شرب ولا دفا .. بقيت حاسه إن بروده الأوضة إتنقلت كلها لجسمي كنت تعبانه جسديا ونفسيا بشكل لا يطاق نفسي أصرخ أو أطلع طاقة الڠضب إلي جوايا ف حد بس سبحان من ألهمني الصبر ولقيت تفسي أول ما فتحت بؤي أتكلم بردد يا رب بالليل حسيت الباب بيتفتح ففتحت عيني بهدوء ونور الكشاف وجعلي