رواية غنوة الحب البارت الثامن 8 بقلم ندي زايد
انت في الصفحة 1 من 4 صفحات
8
غنوة_الحب
الجزء_الثامن
_بصي هحكيلك ...
وقبل زين ميتكلم أو يحكي حاجة ..سمعو خبط علي الباب وكانت نغم جايبة حاجات غنوة .. أما دخلت لقيتهم سكتو
أنا جيت في وقت مش مناسب ولا اي
زين حس إن كويس اوي انها جت مكنش ينفع يتسرع ويحكي لغنوة حاجة دلوقتي هي تعبانة ومش لازم يضايقها
_ لا ابدا كويس إنك جيتي غنوة كانت عاوزاكي أنا هسيبكو براحتكو بعد اذنكو
اي اناديله
تنادي لمين
زين هيكون مين يعني شيفاكي هتاكلي الباب بعنيكي يعني
مش عارفة قلقانة عليه حساه متغير كدا
أوبا دا كلام خطېر جدا
قربت نغم وقعدت جمب غنوة علي السرير وهي بتغمزلها
هي السنارة غمزت ولا اي
قصدك اي يعني
الله مش ابن عمي
ابن عمك بس
انتي عاوزة اي يانغم دلوقتي
لا أبدا بس مستغربة يعني مش دا زين اللي مستحيل تقبلي بجوازك منه أبو جلبية الجاهل اللي ...
قاطعتها غنوة وهي بتخبطها بالمخدة
اي يابت الرخامة دي ... بصي بصراحة منكرش اني مكنتش عاوزاه وخصوصا ان طريقه جوازنا مكنتش الطف حاجة يعني بس في حاجة غريبه بتشدني ليه مش فاهماها نظرته ليا بتوترني حساه حنين كدا وبيخاف عليا وبصراحة معاملته مع الكل حلوة اوي تحسيه من الناس اللي متربية مرتين كدا ...زين مختلف بجد يانغم وانا مش فاهمة اي اللي مغيرني معاه اوي كدا بس حساه ميستاهلش اني اعامله وحش ابدا وخصوصا انه بيحترمني اوي
اتخضت غنوة من السؤال وردت بسرعة
لا لا حبيته اي يبنتي دماغك راحت لبعيد .. اكيد لا أحبه أنا احبه
وماله متحبيهوش ليه مش جوزك وحنين وبيحترمك وكل الحاجات الحلوة دي وكمان شكله بيحبك يعني
بيحبني أنا
أمال بيحبني انا ... انتي مش شيفاه بيعاملك ازاي ولا اي دا مبيخليش حد يضايقك بكلمة حتي وبصراحة اما تعبتي انتي مشفتيهوش كان عامل اي دا كان هيتجنن واټخانق مع الدكتور عشان يبقي معاكي ويشوفك ومرضيش يسيبك لوحدك ابدا ومشانا كلنا فمتهيالي كل دا حب يعني ولا اي
زين خرج من الاوضة لقي أمه قاعدة في الصالة وكأنها مستنياه ...حاول يتجاهلها ويخرج برا لكنها وقفته
بلفتك بنت ليلي وضحكت عليك وياتري هي اللي جالتلك متكلمش أمك
الټفت زين ليها وراحلها
_ نعم ياما .. محدش جالي حاجة أنا كنت خارج أشم هوا
ماشي ياابن بطني .. ممكن تفهمني أي اللي بتعمله دا
_ عملت اي
كيف تاخد بنت
